Жуырда Қазақстан мұсылмандары діни басқармасының төрағасы, Наурызбай қажы Тағанұлының бастамасымен мүфтият жанынан ашылған Құран секторының алғашқы жиыны өтті.

Басқосуға ҚМДБ Діни білім және кадр даярлау бөлімінің меңгерушісі Смайыл Сейтбеков, Уағыз-насихат бөлімінің меңгерушісі Батыржан Мансұров және Құран секторының меңгерушісі Серік қари Ахмет, сондай-ақ қарилар дайындау орталықтарының директорлары онлайн режимде қатысты.

Жиында сектор меңгерушісі таныстырылып, жұмыс бағыты, Рамазан айына жоспар, оның ішінде мешіттерге қариларды бөлу мәселесі талқыланды. Сондай-ақ барлық медресе қабырғасында Құран жаттау тәсілдері мен сектор жұмысын дамыту тетіктері сөз болды.