Бүгін ҚМДБ діни ақпарат беру орталығында «Call-орталықтағы сұрақ-жауап» жобасының кезекті тікелей эфирі өтті.

Мүфтияттың Instagram-дағы @muftiyatkz парақшасында өткен тікелей эфирде оқырман сұрақтарына ҚМДБ Шариғат және пәтуа бөлімінің маманы, исламтанушы Бауыржан Әбдуәлі жауап берді.

Эфир қонағына «Уақыттан асқан байлық жоқ» тақырыбында уақыттың маңызы, қадірі, оны қалай жүйелеу керек сынды сұрақтардан бөлек, құлшылық, отбасыға қатысты сауалдар да қойылды. Сондай-ақ эфир барысында діни ақпарат беру орталығының 8 71 72 33 30 30 нөміріне хабарласқан оқырмандардың да сұрақтарына Бауыржан Әбдуәлі тұшымды жауап берді.