Таң

Күн

Бесін

Екінті

Ақшам

Құптан

ЕЛОРДАДА 21-22 ҚАЗАН КҮНДЕРІ ҚҰРАН КӘРІМ ЖАРЫСЫ ӨТЕДІ

ҚМДБ Баспасөз қызметі muftyat.kz 19.10.2020 4806 0 пікір
ЕЛОРДАДА 21-22 ҚАЗАН КҮНДЕРІ ҚҰРАН КӘРІМ ЖАРЫСЫ ӨТЕДІ

Қазақстан мұсылмандары діни басқармасының 30 жылдығына орай елордада 21-22 қазан күндері ІХ республикалық «Құран Кәрімді жатқа және мәнерлеп оқу» қарилар байқауы өтеді.

Діни басқарманың ұйымдастыруымен республикалық «Әзірет Сұлтан» мешітінде өтетін байқауда еліміздің барлық өңірінен 74 қари қатысады. Олар Құран Кәрімнің 10, 20 және 30 парасын жатқа оқу, сондай-ақ, мәнерлеп оқу аталымдары бойынша бақ сынайды.

Қатысушылардың Құранды жатқа және мәнерлеп оқуын елімізге белгілі қари-ұстаздар, ғалымдар – Кәмілжан Садықов, Сәдуақас Олжабай, Еркінбек Шоқай, Ерсін Әміре мен Жұманазар Садырханов қадағалап, байқауға төрелік етеді.

Құранды толық жаттаған қарилардың үлкені 30 жаста болса, ең кішісі 13 жаста. Ал 10 пара жаттаған қарилардың қатарында 10 жастағы мектеп оқушысы бар. 

Елдегі пандемия жағдайына байланысты қарилар байқауын ҚМДБ «Хикмет студиясының» YouTube арнасы мен «Halyq Arna» телеарнасынан тікелей эфирде тамашалай аласыздар. Сондай-ақ, Діни басқарманың Instagram-дағы ресми парақшасынан онлайн-трансляция жасалады.

Пікірлер (0)

Тіркелген қолданушылар ғана пікір қалдыра алады. Сайтқа кіру