Таң

Күн

Бесін

Екінті

Ақшам

Құптан

ҚМДБ БӨЛІМДЕРІНІҢ ЖҰМЫСЫ ПЫСЫҚТАЛДЫ

ҚМДБ баспасөз қызметі muftyat.kz 03.06.2020 4548 0 пікір
ҚМДБ БӨЛІМДЕРІНІҢ ЖҰМЫСЫ ПЫСЫҚТАЛДЫ

Бүгін елордада ҚМДБ Төрағасының орынбасары, наиб мүфти Ершат Оңғаровтың төрағалығымен жекелеген бөлімдердің мәжілісі өтті.

Мәжіліске ҚМДБ Шариғат және пәтуа; Қайырымдылық және уақып істері; Уағыз-насихат; Қажылық бөлімдері мен осы бөлімдерге қарасты Жастар; Сараптама; Әйелдер секторы, сондай-ақ «Тауаф» қажылық фирмасының өкілдері қатысты.

Жиналыста күн тәртібіндегі бірқатар мәселелер талқыланды. Наиб мүфти Ершат Оңғаров: «Бөлімдер елімізде жарияланған төтенше жағдай кезінде де маңызды жұмыстар атқарды. Әсіресе онлайн уағыздар мен жиындарға басымдық берілді. Қайырымдылық шаралары молынан атқарылды. Оны ел мұсылмандары көріп, бағасын беріп отыр» дей келе, Бас мүфти тапсырмаларының орындалуы тексерілді.

Атап айтқанда, ҚМДБ Ғұламалар кеңесінің кезекті мәжілісін өткізу, ЖАНТ мүшелеріне арналған онлайн жиын ұйымдастыру, қажылық, сараптама жұмыстарын ұйымдастыру, жастар және қыз-келіншектермен жұмысты жетілдіру секілді мәселелер талқыланды.

Мәжіліс соңында ҚМДБ Төрағасының орынбасары бөлімдер мен секторлар басшыларына нақты тапсырмалар берді.

Пікірлер (0)

Тіркелген қолданушылар ғана пікір қалдыра алады. Сайтқа кіру