ҚМДБ Бас мүфтидің кеңесшісі Смайыл Сүйерқұлұлы Маңғыстау облысына арнайы іссапармен барды.

Іссапар барысында өңірдегі облыстық «Бекет ата» мешітінде «Тазалық – иманнан, таза қоғам – мұсылмандықтан» тақырыбында жұма насихатын айтты.

Смайыл Сүйерқұлұлы өз сөзінде мұсылман үшін тазалықтың тек сыртқы емес, ішкі рухани тазалықпен де тығыз байланысты екенін атап өтті. Сондай-ақ қоғамның дамуы мен өркендеуі әрбір адамның имандылығы мен жауапкершілігіне тікелей байланысты екенін жеткізді.

Насихат соңында жамағатқа ізгі тілектер айтылып, елдің амандығы мен бірлігі үшін дұға жасалды.