Бүгін ҚМДБ Шымкент қалалық өкілдігі мен шаһар әкімдігінің ұйытқы болуымен Қан орталығында «Өмірге үміт сыйла» атты игі іс-шара ұйымдастырылды.

Рамазан айының құрметіне орай өткен қайырымдылық шараға Шымкент қаласының бас имамы Бақдәулет Нұрматұлы, қалалық Дін істер басқармасының басшысы Серғазы Әбілхаиров, мешіт дін қызметкерлері және ерікті топ мүшелері қатысты.

Ислам шариғаты бойынша қан тапсыру — адам өмірін сақтауға бағытталған сауапты амалдардың бірі болып саналады.

Айта кетейік, аталған игі шараға 100-ден астам мешіт қызметкері белсене атсалысты.