Таң

Күн

Бесін

Екінті

Ақшам

Құптан

Семей: Мешітке Әлихан Бөкейхан есімі берілді

Семей Қос мұнаралы орталық мешітінің баспасөз қызметі alashdin.kz 28.09.2020 1105 0 пікір
Семей: Мешітке Әлихан Бөкейхан есімі берілді

Таяуда Қазақстан мұсылмандары діни басқармасының шешімімен ҚМДБ-ның 30 жылдық мерейтойының аясында, Семей қаласының Суықбастау кентіндегі мешітке Алаш көсемі, мемлекет қайраткері,ғалым  Әлихан Бөкейханның есімі берілген еді.

Соған орай 27 қыркүйек күні Семей өңірінің бас имамы Асқар Мұқановтың қатысуымен қуанышты хабар мешіт жамағаттарына ресми түрде хабарланып, Әлихан бабамыздың рухына бағышталып,  арнайы Құран қатым түсірілді.

–«Тірі болсам, қазаққа қызмет қылмай қоймаймын» деп  өзіне  серт берген Алаш көсемі есімінің мешітке берілуінің тарихи себептері бар. Әлихан бабамыз осы Семей жерінде жүріп, қазақтың болашағы үшін аянбай еңбек етіп, Алаш партиясын құрды. Дегенмен Мәскеуде үйқамақта ұстаған большевиктер асыл ерді Әскери сот коллегиясының шешімімен 1937 жылдың 27 қырқүйегінде ату жазасына кесті. Бүгінгі біздің өткізіп отырған шарамыз дәл осы күнге сай келіп отыр. Алдағы уақытта осы мешіттің ішінен Әлихан Бөкейхановтың еңбектерін жинақтап кітапхана ашу жоспарымыз бар, – дейді Асқар Әбітайұлы.

Кент жамағаты Алаш көсемінің есімін мешітке беру жөніндегі  ұсыныстарына  қолдау көрсеткен Бас мүфти Наурызбай қажы Тағанұлына алғыстарын білдірді.

Пікірлер (0)

Тіркелген қолданушылар ғана пікір қалдыра алады. Сайтқа кіру

Соңғылар

Мұсылман діни күнтізбесі