Қасиетті жұма күні қалалық «Ақмешіт» мешітінің «Әйелдер-қыздар секторы» «Қайырымды істің сауабы мол» атты тақырыппен қайырымдылық  жәрмеңкесін өткізді. Мешіт жанынан ашылған арнайы діни курста сауаттарын ашып, білім алып жүрген әйелдер шәкірттері жәрмеңкеге барынша үлестерін қосты. Жас-кәрісіне қарамастан қолдан жасалған бұйымдар, үй тағамдарын молынан әкелді. Сонымен қатар дін жанашырлары да өз үлестерін қосып, қайырымдылық ретінде кондитерлік тағамдармен көмектерін көрсетті. Жәрмеңкеден түскен қаражат ауруға шалдыққан баланың жеке шотына аударылмақ. Мешіт бас имамы Нұрлан Евфратұлы да өз кезегінде бұл шарадан тыс қалмай қайырымдылық көмекке 10 000 теңге мешіт атынан қосты.