Арқалық қалалық «Мухтасиб Әлмұхаммед» мешітінің «Әйел-қыздар» секторы қайырымдылыққа бағытталған іс-шараларын ұйымдастыруға әрқашанда ұйытқы болып келеді.

Жуырда киелі орнының қызметкерлері қала тазалығына жауапты жұмысшыларды Алғыс айту мерекесімен құттықтап, оларға ыстық тамақ әзірлеп, дастархан жайды.

«Әйел-қыздар» секторының жауапты қызметкері Айнұр Болатқызы мен мешіт имамы нәзік жандыларға имани тәлім-тәрбиелік  жайлы баяндай келіп, олардың қыстың аязды күндері мен жаздың аптап ыстығында аянбай тер төгіп жүрген еңбектері үшін дән риза екендігін жеткізді.