Түркістан облысы Сарыағаш аудандық орталық мешітінің қыз-келіншектер бөлімінің шəкірттері сынақ тапсырды. Олар Құран, тəжуид, ақида, фикһ, Пайғамбарымыздың сирасы бойынша сұрақтарға жауап берді. Курс түлектерінің арасында жасы жетпістен асқан әжелер де бар. Олар да жастардан қалыспай, Құранның қалаған бетін ашып оқып, қойылған сұрақтарға мүдірмей жауап берді.

Емтиханнан сүрінбей өткен он әже мен өзге 20 шәкіртке «Діни сауат ашу» курсында оқығандарын растайтын сертификат табысталды.