Елбасы Нұрсұлтан Назарбаевтың «2019 жыл – Жастар жылы» деп жариялануына байланысты жақында Қостанай құрылыс колледжінің базасында Қостанай облыстық «Марал ишан» және қалалық «Жайлаубай ата» мешітінің мұрындық болуымен сауат ашу курсының шәкірттері арасында волейболдан жарыс өткізілді.

Іс-шараның негізгі міндеті - мешіт жамағатының ауызбірлігін, татулығын арттыру, бос уақытын тиімді өткізу болатын.

Аталмыш жарыс өз мәресіне жетті. Әділқазылар алқасының қорытындысы бойынша І орынды Қостанай облыстық «Марал ишан» мешітінің шәкірттері құрамынан жасақталған команда алса, ІІ орынды Қостанай қалалық «Жайлаубай ата» мешітінің жамағатынан құралған команда иеленді. Ал ІІІ орынды облыстық «Марал ишан» мешітінің командасы жеңіп алды.

Жеңімпаздарға арнайы кубок пен дипломдар табысталды. Ойын барысында белсенділік танытқан ойыншыларға арнайы мақтау қағазы берілді.