ҚМДБ Өскемен аймағы бойынша «Зекет» қоры қатты аязға байланысты Өскемен қаласында №46 автобусты тегін жүргізді. Қаладағы ең ұзақ бағытқа халық өте көп жүретін автобусты қасиетті жұмада тегін болдыруы халыққа аса қолайлы болды.

«Біз ауа райына байланысты «Жолақы тегін» атты шара жасап отырмыз. Бұл халыққа бір сәт болса да жасалған жеңілдік. Жолаушылар ризашылықтарын білдіріп жатыр» деп атап өтті, «Зекет» қорының Өскемен бойынша өкілі Аманбол Қуатұлы.

Жолақысыз автобусқа қала тұрғындары да риза болып, ұйымдастырушыларға алғыстарын жаудырды.

«Бұл халы игілігі үшін жасалып отырған ең бір игілікті іс екен. Осындай қайырымды іс жасап отырған мешіттерге, «Зекет» қорына ризашылығымыз шексіз» дейді, тұрғындар.