Жастар жылына орай Шығыс Қазақстан облысы Тарбағатай ауданының мешіттері бірнеше спорт түрінен сайысқа түсті. «Қарасу» ауылында өткен спорттық сайыстар аса тартысты жүрілді. Бәсекені тамашалаушылар әр командаларға жанкүйер болып отыды.

«Жастар жылында спортты дамыту, насихаттау, жастар арасында салауатты өмір салтын сақтау бағытында осы сайысты ұйымдастырып отырмыз. Жастар бұл шараларға белсенді қатысуда. Олардың спортқа деген қызығушылығы жоғары» дейді, Тарбағатай ауданы, Ақжар ауылы, «Байжігіт баба» мешітінің бас имамы Аманкелді Жарасов.

Білек күшімен біліктілік сарапқа түскен бұл бәсекеде біріккен ұпаймен алға шыққан «Қарасу» және «Тәуке ауылдық мешіттері» сыйлықтарға ие болды.