Маңғыстау облысы бойынша өкіл имам Смайыл Сейтбеков 1 ақпан күні Шетпе аудандық мешітіне арнайы барып шам намазынан кейін жергілікті жамағатқа «Амалдар ниетке байланысты» турасында, сонымен қатар мұсылман адамның сипаты мен мұсылманға тән қасиеттер жайында уағыз айтты.

Өкіл имам С.Сейтбеков шам мен құптан намазында имамдыққа шығып, еліміз үшін және барша мұсылмандар үшін дұға етті.

Үрдіске сәйкес мешіт жамағаты уағыздан кейін дастархан жайып, өкіл имам дастархан басында да тұшымды уағыз айтты, дін жолында қызмет етіп жүрген және мешітке қол ұшын созып жүрген барша бауырларға алғысын білдірді.