Алматы облысы Талдықорған өңіріне қарасты барлық деңгейдегі мешіт қызметкерлері аттестациядан өтуде. Екі күнге созылатын аттестация екі кезеңмен өтеді: 1- кезеңде ақида, фиқһ және мемлекет заңы пәндері бойынша компьютермен тестілеу бойынша өтсе, 2- кезеңі ауызша түрде Құран және ҚМДБ-ның 4 құжаты пәндері бойынша өтеді.
Аттестацияның комиссия мүшелері ҚМДБ-ның наиб мүфтиі Алау Әділбаев басшылығымен муфтияттың бөлім меңгерушілерінен құралған.
Наиб муфти «қазіргі заманда дін қызметкеріне талап күшейіп, технология дамыған кезде де Ислам діни ғылымды дамытуға бұйырады» деп, қызметкерлерді қызметін адал түрде абыроймен атқаруға шақырды.