ҚЫЗЫЛОРДАЛЫҚ МОЛДАЛАР СЕРТИФИКАТ АЛДЫ

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 16:17:54

06 Мамыр 2026

19 Зулқағда 1447 Хижра

ДІНИ МЕРЕКЕЛЕР

ҚЫЗЫЛОРДАЛЫҚ МОЛДАЛАР СЕРТИФИКАТ АЛДЫ

ҚМДБ-ның Қызылорда облысы бойынша өкілдігінің баспасөз қызметі

22.01.2019

3130

0 пікір

– | A | +

ҚМДБ-ның Қызылорда облысы бойынша өкілдігінің ұйымдастыруымен облыстағы молдаларға арналған оқыту семинары өткізілді.

«Ақмешіт-Сырдария» орталық мешітінде өткізілген семинарды алғы сөзімен бастаған Өкіл имам Болатбек Ұласқанұлы:

«Дүмше молда дін бұзар» - демекші, мұсылман адам үшін, оның ішінде имам-молдалар үшін дінді насихаттау алдымен өзінен, өзінің көркем мінезділігін қалыптастырып, сауаттылығын арттырудан басталады.»- дей келе, оқыту семинарының мақсаты мен маңызын түсіндірді.

Білім жетілдіру семинарында облыстық мешіт қарилары наиб имам Ш.Садуов және ұстаз М.Абжалелов «Құран тәжуид» бойынша қатысушылардың құран оқудағы қателіктерімен жұмыс жасаса, қалалық «Нұр» мешітінің Бас имамы М.Үркімбаев «Ақида», «Сұлтан» мешітінің Бас имамы Қ.Отызбаев «Ахлақ» пәндері, Қазалы аудандық «Жанқожа батыр» мешітінің Бас имамы Б.Сүлейменов «Жаназа және жерлеу рәсімдері» бойынша дәріс өткізді.

Семинар соңында Өкіл имам қатысушыларға алғыс білдіріп, 72 молдаға өкілдік тарапынан дайындалған сертификатты табыстады.