ШҚО: Имамдар жиыны өтті (ФОТО)

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 16:17:34

06 Мамыр 2026

19 Зулқағда 1447 Хижра

ДІНИ МЕРЕКЕЛЕР

ШҚО: Имамдар жиыны өтті (ФОТО)

Шығыс Қазақстан облыстық «Халифа Алтай» мешітінің баспасөз қызметі

21.01.2019

2953

0 пікір

– | A | +

ҚМДБ-ның Өскемен аймағының өкілдігінің ұйымдастыруымен аудан, ауылдық мешіттерде қызмет атқаратын «Уақып» корпоративтік қайырымдылық қорынан және ҚМДБ-ның «Қажылық қорынан» жалақы алатын имамдардың жиналысы Шығыс Қазақстан облыстық «Халифа Алтай» мешітінің мәжіліс залында болды.

Жиында ҚМДБ Өскемен аймағының өкіл имамы Ермек Қасболтаұлы діни қызметкерлердің әлеуметтік жағдайын жақсартуға аса назар аударылып отырғандығын айта келе, имамдардың алаңсыз қызмет атқаруына қаржылай қолдау зор көмек болғандығын жеткізді.

Діни салада 20 жылдан астам еңбек етіп келе жатқан ШҚО Көкпекті ауданының молдасы К.Ахметкалиев:

«Имамдарға ҚМДБ «Қажылық қоры» беріп келе жатқан жалақы көп көмек болып отыр. Біз қаржыны әркез асыға күтіп отырамыз. Осындай жалақы тағайындап отырған ҚМДБ Төрағасы, Бас мүфти хазіретімізге алғыс айтамыз. Бұл менің ғана сөзім емес, барлық молдаларының алғысы» дей келе, әр уақытта сенімге сай адал, тұрақты қалтқысыз қызмет атқару біздің мақсатымыз деп өз ойын білдірді.

Соңғы жылдары Өскемен өңірінен бірқатар имамдар-молдалар Діни басқарманың бастамасымен құрылған қордан жалақы алып отыр.

Жиында имамдарға нақты тапсырмалар беріліп, жаңа міндеттер жүктелді.