«Нұр Астана» мешітінің жанынан ашылған «Жібек» қыз-келіншектер клубы шеберлік сағатын ұйымдастырды, деп хабарлайды ummet.kz тілшісі.

Әйел жамағатының басын біріктіріп, әр түрлі игі істер мен қайырымдылыққа мұрындық болып жүрген «Жібек» қыз-келіншектер клубы тағы бір жақсы дәстүрді қолға алып отыр. Бұған дейін де көптеген мастер-класс ұйымдастырып келген клуб мүшелері алдағы уақытта жамағаттың сұранысына қарай әр түрлі тақырыптағы шеберлік сағатын тұрақты өткізуді көздеп отыр. Бастамасы ретінде аруларымызға  тоқыма сабағынан шеберлік сағаты өтті.