ҚМДБ-ның БҚО бойынша әйелдер-қыздар секторының ұйымдастыруымен  Орал орталық мешітінде «Шапағат шамшырағы Әз-Мұхаммед»   тақырыбында мәуліт мерекесі аталып өтілді.

Рухани шара қасиетті Құран Кәріммен басталды. ҚМДБ-ның БҚО бойынша өкілі имамы Еркебұлан Қарақұлов арнайы қатысып, жиылғандарды мәуліт мерекесімен құттықтады.

Жиылған жамағатқа Мұхаммед Мұстафаның ﷺ адамзатқа құтқарушы болып келуіндегі хикмет пен өмір тарихын баяндайтын «Пайғамбарға сағыныш» атты бейнебаян көрсетіліп, ұстаздар сұрақтар қойып, жауап бергендерге  сыйлықтар берілді.

Шара соңында  ҚМДБ-ның БҚО бойынша әйелдер-қыздар секторының төрайымы А.Демеутова сөз алып, жиналған жамағатты құттықтап, мейрамға ат салысып отырған жандарға алғысын жеткізді. «Азамзаттың асыл тәжі» кітап оқу жарысынан алғырлар жүлделі орын иеленіп, сый-құрметке ие болды.