ДІНИ МЕРЕКЕЛЕР 
«Таугүл-3» мешітінің баспасөз қызметі
22.11.2018
3267
0 пікірБүгін «Таугүл-3» мешітінің 10 жылдық мерей тойы мен Мәуліт мерекесі аталып өтті. Рухани шараға Алматы қаласының бас имамы Еркінбек Шоқай, қаланың аудан имамдары, «Таугүл-3» мешітінде бұрын қызмет еткен имам О.Дәуренбеков, Н. Дарқұлов және мешіт жамағаты қатысып, тіліктерін білдірді.
«Қасиетті Мәуліт мерекесі мен «Таугүл-3» мешітінің 10 жылдық мерей тойы құтты болсын! Мұсылмандардың өміріндегі басты идеал болуы тиіс пайғамбардың өнегелі өмірін насихаттау – баршаға ортақ іс. Бұл дінімізді насихаттаудың, жас ұрпақты имандылыққа, жақсы мінез-құлыққа шақырудың орайлы бір сәті», – деді бас имам Еркінбек Керімбекұлы.
Рухани кеште танымал әншілер ғибратты жыр-термелер орындап, тәрбиелік мәні мол уағыздар айтылды.
Шара соңында сөз алған «Таугүл-3» мешітінің бас имамы Камалжан Тұрдыбаев:
«Шарапаты мол мәуліт мерекесі біздің халқымызға да құтты болсын! Осынау айтулы мейрамның аясында «Таугүл-3» мешітінің 10 жылдық мерей тойы да ұйымдастырылып отыр. Осы мереке адамдар арасындағы рақым-мейірімнің, имандылықтың, бауырмалдықтың арта түсуіне бір сеп болғай»,-деді бас имам Камалжан Тұрдыбаев.
Кеш барысында қасиетті мешіттер мен «Таугүл-3» мешітінің тарихы жайлы кітаптың тұсауы кесілді.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру