Алматы қаласы Орталық мешітінің Бас имамы Еркінбек Керімбекұлы Алматы қаласы Алатау ауданына қарасты «Көкқайнар» мешітінің жамағатымен жүздесіп, жұма уағызын айтты.

Бас имам өз сөзінде имандылықтың мейірім, әділдік, қайырымдылық сынды жемістерін атап өтіп, біздерді екі өмірлік бақытқа жетелейтін, жанымызды тыныштыққа бөлейтін иман байлығына кеңінен тоқталды. Сондай-ақ, қоғамдық түрлі дерттер мен бақытсыздықтардың түп-тамыры имансыздықта жатқанын атап өтті.

Жұма намазынан соң марқұмдарға Құран бағышталып, дұға жасалды.