Бүгін облыс әкімі Бердібек Сапарбаев «Нұр Ғасыр» облыстық орталық мешітін зиярат етті. Өңір басшысы мешітке жуырда орнатылған садақа терминалының жұмысымен танысты. Терминал арқылы мешітке садақа салып, жариялылық пен жеделдікті қамтамасыз ететін игі бастамаға сәттілік тіледі.

Бас мүфти бастамасымен қолға алынған игі шара еліміздегі ірі мешіттерге іске асуда. Бұл мешіт қаржысының ашықтығын қамтамасыз етеді. Аударым үшін комиссия алынбайды. Қаражат тікелей мешіттің есеп-шотына түседі. Сондай-ақ, түбіртек беріледі. Аппаратпен басқа да төлемдерді жүзеге асыруға болады, мысалы телефон байланысына қаражат аудару, т.б.