ҚМДБ-ның Талдықорған өңірі бойынша өкіл имамы Ардақ Нүсіпханұлының тапсырмасымен өткен жылы бастауын алған имамдардың білімін жетілдіруге арналған оқыту курсының бүгін 6-шы тобына дәрістер аяқталды. «Уақып» корпоративтік қайырымдылық қорының қолдауымен өткен 20 күндік оқу семинарына алыс-шалғай ауылдардан 15 имам келіп, білімін шыңдады. Өңірдің өкіл имамынан бастап, ұстаздардан Құран мен ақида, фиқһ, заң мен этика, халал стандарттау бойынша білім алған имамдар емтихан тапсырды. Білім атты құндылық жайында сөз еткен өкіл имам батасын беріп, имамдарға арнайы сертификаттар табыстады.