Бүгін ҚМДБ-ның Қызылорда облысы бойынша өкілдігі және қалалық әлеуметтік қамсыздандыру орталығының бірлесуімен халықаралық қарттар күніне орай мерекелік кеш ұйымдастырылды.

Кеш қонақтары «Дидар» мейрамханасындағы алпыстан астам адамға арналып жайылған дастарқан басында мерекелік бағдарламаның куәсі болып, ерекше көңіл-күй мен ыстық ықыласқа бөленді.

Қарияларды мерекелерімен құттықтай келген өкіл имам Болатбек Ұласқанұлы ізгі лебізін жеткізіп, өскелең ұрпақтың атынан алғыс білдірді. Қарттардың көңілін аулап, қуанту мақсатында мерекелік сый-сияпатын тарту етті.