ДІНИ МЕРЕКЕЛЕР 
Таугүл мешітінің баспасөз қызметі 
21.08.2018
3129
0 пікір
Таңнан тұрып, сап түзеп, айт намазын оқыды. Аллаға сансыз шүкіршілік етіп, құрбан шалды. Ұлттық ойындардан түрлі жарыстар ұйымдастырылды. Бұқа тартыс, арқан тартыс, қой көтеруден үздік шыққандар ерекше сыйлықтармен марапатталды. Сонымен қатар, мешітте дастархан жайылып, балаларға базарлық берілді.
Мұсылман баласы Алланың разылығы үшін құрбан шалып, жаратқан иесіне жақындайды. «Айт мерекесінде тағы бір мақсат – араздасқан бауырлардың арасын жақындату. Жетім-жесірге қол ұшын созып, көмек көрсету үлкен сауап», – дейді бас имам Камалжан Тұрдыбаев.
БАҚЫТБЕК НҰРТАЙ, «ТАУГҮЛ-3» ЫҚШАМ АУДАНЫНЫҢ АЗАМАТЫ:
- Құрбан айт – барша мұсылманның ұлық мейрамы. Бұл күнді Елбасымыз басқа ұлттар да атап өтетін мемлекеттік мейрам етіп белгіледі. Бұл үлкен қуаныш. Алла Тағала осы бейбіт заманымызды ұзағынан сүйіндірсін. Еліміз аман, жұртымыз тыныш болсын. Рухани тазалықты, ізгілік пен адалдықты ұлықтайтын Құрбан айт қабыл болсын!
БӘТИМА ҚҰРМАНҚЫЗЫ, БАТЫР АНА:
- Құрбан айт мерекесі мешіттерде бұрынғы уақыттардағыдай дәстүрлі түрде ұйымдастырылатын болды. Үйде де көнекөз қариялардан естігеніміздің бәрін түсіндіріп: «айтты қуаныш, той қылып отырыңдап» деп айтып отырамыз. Айт бірлік пен ынтымақтың мерекесі. Әр шаңырақта қуаныш болсын!
Ынтымағы мен бірлігі жарасқан «Таугүл-3» мешітінің жамағаты осылайша қасиетті мерекені сән-салтанатымен атап өтуде.
+7 7172 999 866
Астана қаласы, Қарасаз к-сi, 3
Пікірлер (0)
Тіркелген қолданушылар ғана пікір қалдыра алады. Сайтқа кіру