Алғашқы топқа 85 ер бала, 42 қыз бала қабылданды. Алдын-ала жазылып, ниет білдірушілерден құралған балаларды екі топқа бөліп оқыту қарастырылған. Шәкірттерге Құран әліппесі, Ислам әдептері, ғибадат, пайғамбарлар тарихынан сабақтар жүргізіліп, арасында интеллектуалды ойындар мен еңбекке баулу, қала мешіттеріне саяxат секілді ой-өрістерін сергітетін серуендер күнделікті жоспарға енген.

Жазғы діни сауат ашу курсына келген балаларды бас имам Батыржан Берденұлы жазғы діни сауат ашу курсының алғашқы күнімен құттықтап, иманды болуға, білімді жақсылап алып, ел мақтайтын азаматтар мен азаматшалар болып өсуге шақырды.