«Ислам және отбасы жылы» аясында өрбіген салихалы сұхбат

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 02:28:34

07 Мамыр 2026

20 Зулқағда 1447 Хижра

ДІНИ МЕРЕКЕЛЕР

Қызылорда облыстық «Ақмешіт-Сырдария» мешітінің баспасөз қызметі

20.03.2018

4149

0 пікір

– | A | +

«Ислам және отбасы жылы» аясында өрбіген салихалы сұхбат

ҚМДБ-ның Қызылорда облысы бойынша өкілі, Болатбек қажы Ұласқанұлы «Qyzylorda» телеарнасының «Дін мен діл» бағдарламасына «Ислам және отбасы жылы» аясында «Отбасы құндылықтары» тақырыбында сұхбат берді.

Сұхбат барысында, отбасы құндылықтарын қайта жаңғыртудың маңызы турасында сөз қозғалып, исламдағы отбасының орны, бабалар өнегесі, дәстүрлі тәрбие мектебі, ажырасудың себептері және алдын алу жолдары секілді өзекті мәселелер талқыланды.

«Алла Тағала Ниса сүресінің 1-аятында: «Уа, адамдар! Бәріңді бір жаннан (бір кісіден) жаратқан һәм одан (болмыс бітімі өзіне ұқсайтын) жұбын жаратып, ол екеуінен көптеген ерлер мен әйелдерді өрбітіп, жер бетіне таратқан Раббыларыңа қарсы келуден сақтаныңдар» деп, ер мен әйел болып өмір сүру, үйленіп ұрпақ сүю табиғи заңдылық екенін білдірген.

«Отбасы бақыты – ұлт бақыты» демекші, жанұя жарастығын сақтау, жастарды осы тақырыптағы Ислам құндылықтарымен таныстыру, шаңырақ көтерудің мәнін түсіндіру, ерлі-зайыптылардың сыйластығының негіздерін ашып көрсету, осы тұрғыда дұрыс бағыт-бағдар беру – қазіргі күнгі ең өзекті мәселелердің бірі» - деді Болатбек қажы Ұласқанұлы.

Сондай-ақ, өкіл имам Бас мүфти Серікбай қажы Сатыбалдыұлының төрағалығымен бекітілген «Ислам және отбасы жылы» аясында өңірімізде атқарылатын біршама бастамалар жөнінде сөз етіп, Бас мүфти Серікбай қажы Ораздың тапсырмасымен Қызылорда облыстық «Ақмешіт-Сырдария» мешітінде ашылған отбасы мәселелері бойынша «Кеңес беру орталығының» қосар үлесі көп екенін жеткізді.