Сауд Арабисы Корольдігінің Ислами дін істері министрі Салих ибн Абдулазиз ибн Мухаммад делегация құрамында профессор Шамшәдин Керімді қабылдады.

Сауд Арабия Корльдігінің шақыртуымен Қазақстан мұсылмандары діни басқармасы, бұқаралық ақпарат құралдары мен Нұр-Мүбарак университетінің өкілдері  қасиетті Мекке мен Мәдина жеріне арнайы қонақ болып қайтты. Саудия патшасының шақыртуы Қазақстан, Ресей, Қырғызстан, Азербайжан, Тәжікстан елдерінің зиялы өкілдерін қамтыған.

ҚМДБ-ның ХҚХ бөлімінің меңгерушісі Ершат Оңғаров, Нұр-Мүбарак университетінің проректоры, профессор Шамшәдин Керім мен университет ұстазы, профессор Қайрат Затов мырзалар әуелі Мәдина қаласында Мұхаммед (с.а.у.) пайғамбар мешітінде құлшылық жасап, мешіт имамының қабылдауында болды. Сондай-ақ делегация әйгілі тарихи мекен Ұхұд тауы, Құба мешіттеріне зиярат жасады.

Пайғамбар (с.а.у.) қаласының қонақжайлылығынан кейін құрметті қонақтар қасиетті Мекке қаласында умра қажылығын өтеп, әл-Харам мешітінің имамымен кездесті. Қасиетті қос мешіттің архитектуралық көрмесімен танысып, қасиетті Қағбаның жамылғысы-қисуасын әзірлейтін Абдулазиз патша атындағы кешенде болып, Фахд патша атындағы қасиетті Құран шығаратын баспа кешенінің жұмыстарымен танысты.

Сауд Арабисы Корольдігінің Ислами дін істері министрі Салих ибн Абдулазиз ибн Мухаммад делегация құрамында профессор Шамшәдин Керімді қабылдап, ислам діні, білімі мен ғылымы төңірегінде біршама сұхбаттасты.

Қасиетті қос қаланың әсері патша қонақтары арқылы мұсылмандар арасындағы ынтымақты арттыра түсері сөзсіз.