ӨСКЕМЕН: «ӨЗГЕРУДІ ӨЗІҢНЕН БАСТА!» (ФОТО)

muftyat.kz

Қазақстан мұсылмандары Діни басқармасының ресми сайты

Update Required To play the media you will need to either update your browser to a recent version or update your Flash plugin.

Қазір 06:01:47

07 Мамыр 2026

20 Зулқағда 1447 Хижра

ДІНИ МЕРЕКЕЛЕР

Шығыс Қазақстан облыстық «Халифа Алтай» мешітінің баспасөз қызметі

05.02.2018

3410

0 пікір

– | A | +

ӨСКЕМЕН: «ӨЗГЕРУДІ ӨЗІҢНЕН БАСТА!» (ФОТО)

ҚМДБ Төрағасы, Бас мүфти Серікбай қажы Ораз барлық дін қызметкерлеріне осындай ұран тастаған болатын. Осы бастамаға алғашқы болып Өскемен өңірінің имамдары үн қосты.

ҚМДБ Өскемен аймағы өкілдігінің ұйымдастыруымен Шығыс Қазақстан облыстық «Халифа Алтай» мешітінде ұранға үн қосу шарасы болып өтті. Айтулы жиынға ҚМДБ Шариғат және пәтуа бөлімінің меңгерушісі Сансызбай қажы Құрбанұлы және облыстық, қалалық мешіттердің қызметкерлері, шәкірттер, жамағаттар қатысты.

ҚМДБ Өскемен аймағының өкіл имамы Ермек қажы Тасболатұлы жиынды ашып сөз сөйледі:

«ҚМДБ Төрағасы, Бас мүфти Серікбай қажы Сатыбалдыұлы дін саласындағы барлық қызметкерлерге «ӨЗГЕРУДІ ӨЗІҢНЕН БАСТА!» атты ұран тастады. Осы ұранға үн қосып, өзгеруді өзімізден бастауымыз керек. Әр адам өз бойындағы кемшіліктерді түзеп, мінезін өзгерту арқылы салауатты қоғам, ізгі орта қалыптастыра алады. Рухани жаңғыру аясында бұл аса маңызды» деп атап өтті, өкіл имам өз сөзінде.

Ол сонымен қатар мінезді өзгерту, әдеп мәселесі жайлы ғұламалардың сөздерінен үзінді келтірді. Алда осы бағытта атқарылатын шаралар туралы да айтып өтті.

Басқосуда Сансызбай қажы Құрбанұлы:

«Әркім өзгерісті өзінің сөзінен, мінезінен, әдебінен, көзқарасынан бастау керек. Жақсылыққа бейімделу қажет. «Болмасаң да ұқсап бақ, бір ғалымды көрсеңіз»-деп Абай атамыздың айтып кеткеніндей, иманы мен әдебі жарасқан жандардан үлгі алып, адам алдымен өзін өзгертсе, орта өзгереді» дей келе, асыл дінімізден ғибрат айтып берді.

Жиын барысында имамдар өз ойларын ортаға салды. Осындай маңызды шаралар алдағы уақытта өңірге қарасты аудандарда жалғасын табатын болады.