Бүгін «Иманғали» орталық мешітінде әлеуметтік жағынан аз қамтылған он жеті отбасының әрқайсысына 15 мың теңгеден қаржылай көмек көрсетілді.

Қайырымдылық шарасы Қазақстан Мұсылмандары Діни Басқармасының Атырау облысы бойынша өкілі, орталық «Иманғали» мешітінің бас имамы Батыржан Мансұровтың мұрындық болуымен ұйымдастырылды. Имам әр мұсылманды қайырымдылық, ізгілік, адамгершілік сынды игі қасиеттердің көркемдеп тұратынын тілге тиек етті.

Алла үйі қашан да мұқтаж жандарға қолдау білдіріп келеді. Бір ғана Рамазан айында 300-ге жуық отбасыға азық-түлік пакеттері табыс етілді. Қасиетті ораза кезінде 45 отбасыға қаржылай көмек берілді. Осындай игілікті істердің қамкөңіл жандарға демеу болатыны қуантады.