Маңғыстау облысының өкіл имамы Смайыл Сейтбеков Ақтау қаласы мен маңындағы үш мал сату базарына және ондағы мал сою орныдарына арнайы барып, мал сатушылармен және қасапшылармен кездесті.

Ол келе жатқан құрбан айтпен құттықтап, құрбан шалу ережесін түсіндірді. Қасапшыларға шариғат талаптарын тек құрбан айтта ғана орындап қоймай, әркез мал сояр кезде орындауын назарда ұстау қажеттігін ескерулерін сұрады.

Сонымен қатар құрбандыққа жарамды немесе жарамсыз мал жайында түсіндірді. Мал сатушыларға құрбан шалу ережесіне сәйкес сатуларын айтып өтті.