«Мектепке жол» атты игі шарада Талдықорған орталық «Иман» мешітінде 150 отбасының балаларына мектепке керекті құрал-жабдықтар таратылып, балалар қуанышқа бөленді.

Бұл игі шараға ҚМДБ-ның Талдықорған өңірі бойынша өкіл имамы С. Ахмадиев қатысты. Үрдіске айналған бұл қайырымдылық акциясында әлеуметтік жағдайы төмен, көпбалалы отбасылардың және  жалғыз басты аналардың бүлдіршіндеріне сонымен қатар мүмкіндігі шектеулі, ата-анасының қамқорлығынсыз қалған мектеп оқушыларына материалдық қолдау көрсетілді.

Өкіл имам С. Ахмадиев бүлдіршіндерге жаңа оқу жылында сәттілік тілеп, батасын беген соң әр бүлдіршіннің жүзіне күлкі ұялап куанышпен тарқасты.