Маңғыстау облыстық орталық мешітінің кезекті ауызашар дастарханына өңірдің зиялы қауым өкілдері қонақ болды. Аймақтағы мәдени, рухани саланың дамуына еңбектері сіңген, Маңғыстау жұртшылығына кеңінен танымал бір топ зиялы отырыс барысында рамазан айының дәрежесін, облыс мешітінің жасап жатқан игі амалдарын дәріптеп, сөз сөйледі.

Облыс имамы Смайыл Сейітбеков құрметті қонақтарға ел муфтияты тарапынан жарыққа шыққан «Жаназа және жерлеу рәсімдері» кітабын табыстады. Өңірге белгілі ақсақал, жазушы Дүйсенбі Әріпұлы мен тарих ғылымдарының кандидаты, профессор Өмірзақ Озғанбай алғыс сөздерін айтып, ризашылықтарын білдірді.