Қызылжар қажылары қарттар үйі мен жетім балаларға ауызашар берді. «Қызылжар» орталық мешітінің ішіне де (асханасы), сыртына да (ауладағы киіз үйлерге) жайылған көп дастарқан 400-ден артық жамағатты тоғыстырды. Ауызашарға Смирнов қарттар үйі мен жетім балаларға арналған облыстық мектеп-интернатының бір топ өкілдері арнайы қатысты. 

Ауызашар барысында еңбек ардагері Қымбат Исманова өзінің жаңа кітабын қаладағы қазақ мектептерінің оқушыларына тарту етті. Қажылардың сый-сияпаты да аз болған жоқ: олар жетім балаларға қомақты қаржы ұсынды.