Семей қалалық Достық үйінде ҚМДБ төрағасы, Бас мүфти Ержан қажы Малғажыұлының атынан 18 ұлттың өкілдеріне ауызашар берілді. Дастархан басында Семей қалалық ішкі саясат бөлімі,18 ұлттың мәдени бірлестіктерінің төрағалары, дәстүрлі дін өкілдері, қалалық мұсылман әйелдер қоғамдық бірлесітігінің мүшелері бас қосып, ғибратты отырыс өткізді.

Ауызашарда Семей аймағының өкіл имамы Алтыбай Мақсат Қуанышұлы сонау зұлмат жылдарда шейіт болған қазақстандықтарға Құран бағыштап, ақсақалдар ақ баталарын берді.