ОҚО, Бәйдібек ауданы «Нақыпбекұлы Әуен» орталық мешітінде ауызашарға келген жұрт қуанышты жағдайға куә болды. Елағасы, кәсіпкер Бейсенов Сәкен Нақылбекұлы аудандық орталық «Нақыпбекұлы Әуен» мешітіне «Daewoo Gentra» автокөлігін сыйға тартып, темір тұлпардың кілтін ауданның бас имамы Байниязов Серғалиға салтанатты түрде табыс етті. 

Сонымен қатар кәсіпкер Бейсенов Сәкен Нақылбекұлы ауданның батыр анасына Шымкент қаласынан 8 сот. жер учаскесін тегін беріп, көпбалалы отбасына көмектесті. Іс-шараға арнайы қатысқан ОҚО облыстық мешітінің наиб имам Еркебұлан Қарақұлов ҚМДБ ОҚО бойынша өкілдігі атынан және жалпы жамағат атынан кәсіпкерге алғысын білдіріп, Құран кітабын сыйлады.

Ісшара соңы ауызашарға жалғасып, еліміз және халқымыз үшін дұға етілді.