Маңғыстау облыстық орталық мешітінің кезекті ауызашар кешіне Қазақстан халқы Ассамблеясының Маңғыстау филиалы өкілдері шақырылды.

Шағын Ақтау қаласында түрлі ұлт өкілдері өзара тату-тәтті тұрады. Әр ұлттың танымы мен ерекшелігі бір облыста өмір сүруге ешқашан кедергі жасаған емес. Рамазан дастарханының қонағы болған қырғыз, армян, дағыстан, еврей, кәріс, осетин, беларусь, ұйғыр, шешен ұлтының өкілдері мешіт басшылығына алғыс айтып, Қазақстан – біздің туған үйіміз деп жылы лебіздерін білдірді.