Қасиетті Рамазан айында Шығыс Қазақстан облыстық «Халифа Алтай» мешітінде Өскемен қаласы тұрғындарының сұранысымен сүндетке отырғызу шарасы өтті.

Демалыс күні облыстық мешіттің ауласы ата-аналары жетелеген жасөспірім балаларға лық толды. Осыған қарап-ақ ұлтымыздың мұсылмандыққа деген құлшынысын, пайғамбарымыздан (с.ғ.с) қалған сүндет жасатуға деген талпынысын анық аңғаруға болады.

Сүндетке баласын әкелген қала тұрғыны: «Мешіт басшылығы біздің өтінішімізбен сүндет жасату шарасын ұйымдастырып отыр. Ұл баланы  сүндеттету ата-анасының бір міндеті болса керек. Бүгін балаларды осында әкеп отырмыз. Қасиетті Рамазан айында бұл бір үлкен сауапты іс болды» дей келе, мешіт ұжымына алғыс білдірді.