11-маусым күні Атырау облысына қарасты «Иманғали» орталық мешіті ауласында ауызашар дастарханы үшін арнайы құрылған киіз үйлерде өңірлік спортшылар қауымы ауызашар берді. Ауызашар дастарханында Ақпараттық талдау орталығының маманы, теолог Мейіржан Құлсымақов Рамазан айының артықшылықтары туралы уағыз айтып, қасиетті айдың ас-судан тыйылу ғана емес, көптеген сауапты амалдар атқарып қалуға мүмкіндік берілген құлшылық айы екендігін жеткізді. Ауышашар соңынан мешіт жамағатының үлкен жастағы ақсақалдары ауыз бекіткендерге құрмет ретінде дастархан жайып, ауыз ашар берген спорт майталмандарына алғыстарын білдіріп, ақ баталарын жаударып дұға етті.