Бүгін үйетөбе басында қуғын-сүргін құрбандарын еске алуға арналған шара өтті. Оған жергілікті билік өкілдері мен құқық қорғау органдарының қызметкерлері, ақсақалдар, зиялы қауым өкілдері, жастар және қуғындалған азаматтардың ұрпақтары қатысты.

Шара барысында сонау қиын-қыстау кезеңдер туралы сахналық қойылымдар көрсетілді. Облыс әкімі Бердібек Сапарбаев алғы сөз сөйлеп, мұндай зұлматты кезең енді болмасын деген тілегін жеткізді.

Құрбандардың құрметіне орнатылған ескерткіштерге гүл шоқтары қойылып, тағзым етілді. Есімдері бір минут үнсіздікпен еске алынып, өкіл имам Төлеби Оспан боздақтардың рухына арнап Құран бағыштады.