15 мамыр ҚМДБ-ның Атырау өңірі бойынша өкілдігі, «Иманғали» орталық мешіті жанындағы медреседе  ҚМДБ баспасөз хатшысы Ағабек Қонарбайұлы «Аудиторияға әсер етудегі психологиялық әдіс-тәсілдер» және «Көркем насихат және шешендік өнер» тақырыптарында шеберлік сағатын өткізді.

Қала имамдары қатысқан шарада А.Қонарбайұлы уағыз-насихаттың мән-маңызы, қоғамдағы орны туралы аз-кем тоқталып, шаршысөз барысында сөйлеуші шешен адам қолданатын психологиялық әдіс-тәсілдер мен жүйелі де мағыналы сөз сабақтай білу өнерінің қыр-сырларымен бөлісті.

«Иманғали» орталық

мешітінің баспасөз қызметі