ҚМДБ-ның РАНТ мүшесі, «Нұр-Астана» мешітінің наиб имамы Қабылбек мырза Әліпбайұлы Талдықорған өңіріне ат басын тіреп, жоспар бойынша алдын-ала ұйымдастырылған 3 кездесуге қатысты.

Атап айтсақ, бесін намазынан кейін Көксу аудандық орталық мешітінің жамағатымен жүздесіп, тағлымы мол насихат айтса,  ал ақшам намазынан кейін Талдықорған қаласы, орталық «Иман» мешітінде уағыз айтып жиналған жұртты бір қуантып тастады. Екі мешітте де дінтанушының уағыз-насихатын тыңдауға жиналған жамағатта есеп болмады, мешіттердің іші адамдарға лық толды.

Сонымен қатар, Ескелді ауданы, Ешкіөлмес ауыл тұрғындарына да әсерлі насихатын таза ауа, керемет табиғат аясында ерекше түрде жалғастырды. 

Әр кездесу соңында Қ.Әліпбайұлы жамағаттар тарапынан қойылған сұрақтарға дәлел бойынша аят хадистермен жауап беріп отырды. Жетісу жұртшылығы келген ұстазымыздың қадамына ақ жол тілеп, айтылған насихатына тәнті болып тарқасты.

ҚМДБ-ның Талдықорған өңірі бойынша

 баспасөз қызметі