Маңғыстау мешіттерінің жамағаты  арасында шағын футболдан жарыс өтті. Оған аймақ мешіттерінен келген 16 команда қатысып, өзара бəсекеге түсті.

Ақтау қаласындағы Мұнайшы стадионында  өткізілген футбол жарысының мақсаты -  күзде Астанада өтетін республикалық футбол турниріне команда іріктеу.

Жарыс қорытындысында 1-орынды Маңғыстау облыстық орталық мешітінің командасы алса, 2-орынды Шетпе мешітінің жамағатынан құралған команда, 3-орынды Жаңаөзен қаласына қарасты Қызылсай ауылдық мешітінен келген команда иеленді.

Ойынға қатысып, жеңімпаз атанған командаларға қаржылай сыйлық ұсынылды. 1-орынды қанжығасына байлап, кубокқа қол жеткізген Маңғыстау облыстық  орталық мешітінің командасы сыйға берілген қаражатты Ақтөбе қаласындағы судан зардап шеккендерге арналған қайырымдылық қорына берді.

 Маңғыстау облыстық орталық мешітінің баспасөз қызметі