ҚМДБ-ның “Уағыз-насихат” бөлімінің меңгерушісі, республикалық ақпараттық-насихат тобының мүшесі әрі жетекшісі, белгілі исламтанушы Ершат Оңғар Атырау жамағатына үгіт-насихат жұмыстарын жүргізді.

Ғалым, PhD доктор, бірнеше діни кітаптардың авторы Ершат Оңғардың Атырау жамағатымен жүздесу шараларының ұйымдастырылуына ҚМДБ-ның мұнайлы өңірдегі өкілі, «Иманғали» орталық мешітінің  Бас имамы Батыржан Берденұлы жетекшілік етті.

Мешіт жамағаттары, мектеп оқушылары және ауыл халқымен өткен кездесулер барысында Е.Оңғар ислам мәдениеті құндылықтары, сондай-ақ, қоғамымыздағы жат ағымдардың белең алу үрдісіне тоқтала келіп, олардың ұлттық қауіпсіздігімізге тигізетін ықпалы туралы сөз қозғады. «Діни экстремизмнің аймақтарға таралуына септігін тигізетін бірнеше алғы шарттарды атап өтуге болады. Солардың бірі – халықтың діни сауатының төмендігі.  Қоғамның діни радикалдану, яғни іштей ағымға ыдырауының бірден-бір себебі де – осы», – деді.

Жиын соңында исламтанушы жамағат тарапынан қойылған сұрақтарға  толыққанды жауаптар беріп отырды.

«Иманғали» орталық мешітінің

баспасөз қызметі