23 сәуір күні Алматы қаласында өткен халықаралық VI Алматы марафонына Алматы қаласы, Алатау ауданы «Рахат» мешітінің Бас имамы Каленов Кенжебек және «Заря-Востока» мешітінің наиб имамы Шиля Жамалиддин қатысты. 20 000-ға жуық адам қатысқан марафонда жүгірістер 3 шақырым, 10 шақырым, 21 шақырым, эстафеталық «экиден» және 42 шақырым 195 метрлік қашықтықта өтті. Имамдарымыз 21 шақырымдық қашықтыққа сәтті жүгіріп өтті. Айта кетейік, Каленов Кенжебек осы марафонға 3-мәрте қатысып отыр. Қатысушылар арасында қарапайым қала тұрғындары, белгілі спортшылар мен кәсіпкерлер, жоғары оқу орындарының, Алматы әкімдігінің өкілдері және басқа көптеген мекемелердің қызметкерлері бар. ҚР Тұңғыш Президенті саябағынан бастау алған марафон Орталық стадионда аяқталды. 

Жүгіру денсаулыққа өте пайдалы, әрі жеңіл спорт түріне жатады. Алматы қаласының Бас имамы Нұрбек Есмағанбет халықаралық дәрежедегі осындай жарыс түрлеріне дін қызметкерінің қатысуы басқа имамдарға да үлгі боларлық іс екендігін айта келе, марафонға қатысқан имамдарға өз ризашылығын білдірді. 

Алматы орталық мешітінің баспасөз қызметі