Ражаб айы кіргенде пайғамбарымыз (Алланың оған игілігі мен сәлемі болсын): «Раббым, ражаб пен шағбан айларын берекелі қыла гөр. Бізді рамазанға аман-есен жеткізе гөр!» деп дұға тілейтін.

Бұл қасиетті күндер мен түндер баршамызға сауап амалдарды  жасауымызға үлкен мүмкіндік береді. Қасиетті айлардың ұлағатты іс-шаралар бастамасы ретінде Алматы өңірінде  «Қош келдің-қасиетті үш ай» атты қайырымдылық акциясы өтіп, Үшқоңыр ауылының әлеуметтік жағдайы төмен 15 отбасына азық-түлік қажеттері таратылды. Райымбек ауылында орналасқан, жасы ұлғайып, қараусыз қалған қарттарды әлеуметтік жағынан қорғайтын «Мирный» қарттар үйінде қайырымдылық асы берілді.

Бұл шараға Алматы өңірінің өкіл имамы Қуаныш Бақытбекұлы қатысып, ҚМДБ-ның төрағасы, Бас мүфти Ержан қажы Малғажыұлы атынан жиналған қауымды қасиетті айлардың басталуымен құттықтап, дін басы сәлемін жеткізіп, «Исламдағы қасиетті айлар» атты тақырыпта уағыз-насихат айтып, ізгі ниет-тілегін білдірді.

Алматы облыстық «Қарасай батыр» мешітінің баспасөз қызметі