Алматы орталық мешітінің жастар ісі бөлімінің жауапты өкілі Қайыргелді Руслан Қазақстан Республикасы ішкі істер министірлігі Алматы қаласы «Мамандандырылған  күзет қызметі басқармасы» 050050 Полиция бөлімшесінің  қызметкерлерімен екі күндік кеңес-семинар өкізді.

Семинар барысында «Суицид ғасыр дерті» және «Суицидтің емі иманда» атты тақырыпта үгіт насихат жүргізілді. Аталмыш мекеменің Бастығы полиция полковнигі И.И. Дзигалюк суицидтің алдын алу жөнінде баяндама жасады. Семинар соңында полиция қызметкерлерінің отбасылық мәселе және бала тәрбиесі жөнінде қазақ және орыс тілдеріндегі сұрақтарына жауап берілді.

Алматы орталық мешітінің баспасөз қызметі