«Әзірет Сұлтан» мешітінің ұйымдастыруымен жүзеге асқан игі шараға Астана қаласы әкімдігінің әлеуметтік қызмет көрсету орталығы және «Мумтаз» мейрамханасы мен «Мәңгілік ел жастары» қоғамдық ұйымдары қолдау көрсетіп, сырқат жандардың құлшылық ордасына келіп, сергіп қайтуына септігін тигізді. Шара шымылдығын түрген «Әзірет Сұлтан» мешітінің бірінші наиб имамы Қуат Ерғалиұлы барша қонақтарға құттықтау лебізін білдіріп, мүмкіндігі шектеулі жандарға құлшылық ордасының қашанда қамқорлық танытуға әзір екенін жеткізді.

Сондай-ақ, шара аясында созылмалы сал ауруынан сауығып келе жатқан үш бүлдіршіннің тұсаукесері рәсімі болып өтті. Медициналық емшаралар арқасында аяғы апыл-тапыл басуға жарап қалған үш бүлдіршіннің  тұсауын ырымдап мешітте кескен апалары Алладан шипа сұрап, ақ батасын арнады.