ҚМДБ-ның Қызылорда облысы бойынша өкілдігі, орталық «Ақмешіт-Сырдария» мешіті қайырымдылық бағыты бойынша шараларды жүйелі ұйымдастырып келеді.

8 наурыз – Халықаралық әйелдер күні қарсаңында орталық «Ақмешіт-Сырдария» мешітінің имамдары шәкірттерімен бірге қарт аналарға құрмет көрсетті. Нақтырақ айтар болсақ, ауруханада ем алушы аналарды мерекемен құттықтап, арнайы сый-сияпаттарын табыстап, баталарын алды.

Қазақ қашанда үлкенді құрметтеп, жабырқағанның жанынан табыла білген халық.

Қашан да осындай игілікті шаралардың басы-қасында жүретін мешіт имамдары мен шәкірттері үлкендердің батасын алып қана қоймай, өзгелерге үлгі бола білді.

Қызылорда облыстық «Ақмешіт –Сырдария»

 мешітінің баспасөз қызметі