Қасиетті Мәуліт мерекесі барша мұсылмандар үшін жақсы амалдар мен сауапқа кенелетін берекелі ай екендігі белгілі.

Осыған орай Федоров ауданы «Жиентай қажы» мешітінің ұйытқы болуымен Мәуліт мейрамына байланысты бірнеше іс-шара ұйымдастырылды.

Аудандағы балалар үйінде 25 балаға дастархан жайылып, оларға шын жүректен шыққан лебіздер айтылды.

Сондай-ақ, салауатты өмір салтын насихаттау, жастарды ұлттық спорт ойындарына баулу  мақсатында қазақ күресінен балалар және ересектер арасында жарыс өткізілді. 

Сонымен қатар балуандарға жоғарыда аталған мерекенің мән-маңызы түсіндірілді. Сайыс соңында ерекше көзге түскен азаматтарға мақтау қағазы мен сыйлықтар табыс етілді.

ҚМДБ Қостанай облысы бойынша
өкілдігінің баспасөз қызметі